香港犬隻工作及障礙賽事會

去開呢度游水
有分大中細嘅池，都係會員制
有一大片草地可先俾🐶🐶們玩 跑下 影下相
之後再到泳池計算45分鐘
其實都好夠時間
會遇到好多唔同嘅🐶🐶們一齊玩
之後有自助🐶🐶沖涼嘅地方
勝在地方夠晒大
所以都係會經常到呢度

一直都好想試吓嚟呢度游水，無奈會費真係比較貴$380/$580半年🤧不過屋企多咗隻狗，而且搬咗去上水所以都係決定試吓join會員游水😬

呢度每次入場費$20(可以跑草地)，游水嘅話就40分鐘一節每次$100(包沖凍水涼)，雖然規矩比較嚴，但真係勝在平日比較少人同埋個個游完就上水，唔使堆晒喺泳池😆

泳池方面可能真係比較少人所以好乾淨，雖然係露天，但都會有啲有瓦遮頭嘅位置👍大池人類唔可以落水，中池同細池就可以😌要注意決定咗由邊個泳池就唔可以轉，要轉嘅話就要再比$100💸沖涼吹毛嘅地方雖然唔係室內有冷氣但尚算乾淨同多位👏🏻草地方面有分區，唯一唔好處就係為難比較矮，高小小嘅狗狗都可以直接跳出來🫣

之前有狗友介紹呢一間游泳池，但係實行會員制，去之前記得要WhatsApp同佢地預約。

一入到去就有好大遍草地，如果你係會員嘅話就可以免費享用草地設施。游水之前都可以先帶狗狗喺草地放電，屙清晒先落水游水。而落水前都需要先沖一沖身㗎～

呢度分咗三個泳池，細池同埋中池就可以主人落水一齊陪同狗狗，而大池因為水深所以主人就唔可以落水啦。留意番如果揀咗一個池就唔可以再轉遲㗎啦，每一次轉池就要重新計錢。有一次水大約45分鐘，原本以為好短，但其實45分鐘真係好足夠。

呢度唔會提供救生衣，所以要自己帶備。游完水之後可以帶定沖涼液喺呢度沖涼。沖完涼仲可以吹番乾啲毛毛。全部都係自助式，寵主記得要自律。

一定會再嚟呢度玩！❤️❤️❤️

分開大中小 三個泳池及有三個草地
泳池環境配套10分
認真游水既好地方
因為採用會員制 及有限時
人流唔算多 但地點稍為有啲偏僻
如果冇私家車 建議call Van

少有嘅泳池係有3個唔同size嘅 適合唔同體形嘅狗狗 其中細池同中池主人都可以落水
場地仲有埋自助沖涼同大吹毛機 環境乾淨企理👍🏻
而且仲有兩個大草地俾狗狗們放電 仲有啲狗狗障礙設施俾狗狗挑戰下

認真游水嘅話呢一度就係最好嘅選擇，而且有個大草地俾你係咁跑，吹毛同埋沖涼區係分開嘅，吹風機噪音比較大，膽小狗狗要注意。由於係行會員制，冇咁擠迫，相對輕鬆啲。