好有責任心&良心既機構
我地係阿棍屋既領養日遇見 Luka, 本來就對大狗情有獨鐘既我地, 無諗過會見到有雪撬待領養, 我地知道新手養雪撬係一件好大的挑戰, 但見到阿棍屋既審批程序唔係咁易, 所以我地先夠膽申請。
除了領養日外, 我地總共見左 Luka三次, 每次都幾乎見成個幾鐘, 然後義工每次都會同我地傾計, 問下我地問題, 甚至「恐嚇」下我地, 講笑~ 其實係將一D好worst既情況講出黎, 等我地有定心理準備同諗清楚先落決定。
最後, 經過三次見面, 如果真係考慮清楚, 就會約家訪, 睇下家居環境合唔合適, 合適就可以約時間接返屋企。
但都仲未完嫁, 要有一個月觀察期, 期間要send下片、生活照, 等負責人確定我地照顧到狗狗, 經過重重難關, 先算成功領養嫁!
我地覺得咁樣好好, 可以杜絕D三分鐘熱度既人。