MY DOG FITS 犬隻訓練學院

概述

我們的專業團隊在狗狗培訓方面擁有豐富的經驗和知識，所有課程均設計符合國際標準。團隊成員均有多年的導盲犬培訓經驗，曾通過嚴格的學員計劃，為香港訓練了許多導盲犬及動物輔助治療犬。由於經驗豐富，我們的團隊對狗狗的行為和心理學有獨特的見解，可以為每隻狗狗提供有效的培訓方法。

我們提供各種狗狗訓練服務，包括幼犬培訓、基礎訓練和行為改善。我們的訓練導師會與你密切合作，了解他們的需求，並為他們的狗狗制定個性化的培訓計劃。我們的訓練服務旨在使狗狗和爸媽都感到快樂和舒適。我們相信培訓應該是一個有趣和愉快的體驗，在這個過程中，狗狗和爸媽可以一起學習和享受美好時光。我們的訓練導師擅長使培訓課程充滿趣味性和吸引力。

總之，MDF致力於為客戶提供最高質量的狗狗培訓服務。我們的專業培訓團隊致力於幫助狗主人建立穩固和積極的關係。通過我們有效和個性化的培訓計劃，我們努力使培訓體驗對狗狗和爸媽都是有趣和愉快的。現在就聯繫MDF，了解更多關於我們優質狗狗培訓服務的資訊吧！

寫評論

標籤

HH •

0
報告

狗狗寄宿好好

唔好意思遲咗好耐嘅review 當時去旅行擺低咗狗狗寄宿+訓練狗狗果陣咁啱腸胃炎要餵藥 trainer fish照顧得佢好好又煲飯又monitor住佢啲屎又keep住send狗狗啲相&片俾我地日日都帶佢落街又去行山玩狗狗玩得好開心我地都好放心感謝佢地

09/08/2024

翻譯

Vincyyyyyyyyyy •

1
報告

好細心嘅老師們

QQ出街嘅時候好多時見到其他狗狗都會好緊張，Harvey Sir教識咗我應該點樣去應對，另外，對人比較驚青嘅問題都有教，第一次嘅犬隻行為諮詢體驗已經令我了解多咗好多可以幫助QQ嘅方法，同埋雖然只係體驗，但係都會係WhatsApp 收到一個都幾詳細嘅評估報告，好感謝各位

21/07/2024

AW •

我係「正向犬隻訓練員課程」畢業生！

🙋🏻‍♀️我承認報名前係有猶豫既，因為之前其實已經讀過2個正向犬隻訓練課程，怕浪費左時間去重複學習理論，但超過100小時實習又真係好吸引喎👉🏻👈🏻👉🏻👈🏻你要知道坊間上「真」正向犬隻訓練課程係好少有實習安排。上理論課既過程中，開心我當初猶豫係多餘既。雖然理論係大同小異，但因為其實每個TRAINER都會有自己對理論既演繹，加上Garrick sir既實戰經驗分享，幫助我更加深入理解正向犬隻訓練既理論，同埋温故知新進一步鞏固基礎啦😝😝

好喇，理論上完咁係咪就即刻識教狗？咪傻啦...理論明左但當你真實面對狗狗嘅問題時究竟要點樣開始？切入點係邊樹？就算係同一個行為問題但每隻狗狗既呈現方式都有唔同，例如搶縄，係因為驚而搶？定因為興奮而搶？2個原因既訓練處理手法已經會有唔同⋯⋯所以咪話實習好重要！係呢段實習期間，可以接觸到唔同種類有唔同行為問題既狗狗，導師在旁1對1指導，絕對唔係就咁俾隻狗你等你自己試自己撞板。

導師在旁，你做得啱會讚，做得唔啱會即時更正返你，做極都唔啱⋯⋯哈！哈！哈！訓練狗狗係一件需要認真的事，每一節訓練都需要認真對待，畢竟係我地係正在處理一條生命。實習期間，有機會參與日托訓練、外出訓練、團體訓練，仲有機會去觀摩真實上門訓練，機會真係好難得❤️

另一個想報讀既原因當然係自助啦🐕我家Corbi 小姐天生高敏兒，對特定狗種DOG REACTIVE，揾過TRAINER＋上過DOG TRAINER課程，問題係有改善，但硬係KICK左係個樽頸位。上第一堂團體訓練時，Fish導師教左2個小tips, 幫助我解決左corbi 多年既行街壞習慣，從而對之後Corbi 既訓練都有大幫助🙌🏻🙌🏻應用了係實習同理論課中所學，我地竟然衝過左呢個樽頸位😱😱😱😱😱😱😱😱早幾日，同Corbi 係街街練習do nothing 個陣，係我完全無留意既情況底下，有隻死對頭行過，但Corbi完全無郁過，輕鬆面對🥹🥹🥹好感動🥹🥹🥹

💁🏻‍♀️無論你係想投身呢個行業或者純粹解決自己狗狗既問題，我都誠意推介MDF嘅犬隻員訓練課程👍🏻

17/07/2024

May Fu •

支持正向訓練，推介私人犬隻訓練課程

好開心遇到Garrick Sir，我嘅仔仔已經10歲囡囡亦都5歲半啦，因為仔仔由bb嘅時候已經有好多行為問題，而囡囡亦都有一啲社交嘅問題，由阿仔未到一歲就有搵dog trainer, 前前後後已經搵咗3個，第一個係非常有愛心嘅positive trainer 但可能唔夠清晰所以爸爸唔多認同，第二位我接受唔到係靠體罰，第三位有些微體罰亦有正向訓練元素，但我始終唔接受體罰嘅方法，除咗第二位trainer之外其餘兩位trainer都分別有係某一些問題上幫到我地但始終我同先生係訓練上不能達成共識實在係令到我地同狗狗嘅練習都事倍功半，時間耐咗我地都基本上放棄咗糾正佢地嘅行為，但當我地遇到Garrick sir, 上咗第一堂，爸爸已經非常鐘意，因為Garrick 講解得非常清晰易明，亦令我地明白點樣為之good timing, 係令爸爸重新認識及接受正向訓練，當然最重要係明顯睇到兩位小朋友行為係有改善，多謝Garrick Sir 及佢專業啦團隊令我地知道只要搵對方法就算係一隻10歲嘅狗都可以幫到佢改善問題

27/06/2024

Pat Cheng •

私人犬隻訓練班⭐⭐⭐⭐⭐

波波約3個月大的時候經歷了一次可怕的美容經歷，這次的經歷令她變得對人的手非常敏感，有時一碰就咬，加上她比較容易緊張，被她咬過的親朋戚友也不少，每個人都怕了她，所以一直希望找到一個合適的dog trainer去幫助我和波波。

香港市面上主要分為傳統訓練和正向訓練，傳統訓練會由懲罰、打罵、恐嚇等來抑制不需要的行為，比較重視狗隻的服從性。而正向訓練側重於獎勵正確行為，而非懲罰錯誤行為，人狗關係相對會比較和諧，狗隻的主動性亦會更高。我希望波波能與人和諧相處，重拾安全感和信任，而傳統訓練方式往往效果有限，甚至會進一步損害人狗關係，因此我果斷選擇了正向訓練。

但香港掛著"正向訓練"的旗號有很多，但實際做法根本就是傳統的訓練模式，所以必須要深入了解並小心選擇。機緣巧合之下通過Youtube channel - Mill Milk認識MDF，認同片中兩位導師的理念，所以選擇相信MDF。

見面評估的第一天，Garrick 和Amy 已經清楚掌握到波波的問題所在，然後現場用手把手的方式去教我怎樣處理波波的問題，亦能夠清楚解釋每個練習背後的原因，按波波的實際情況去度身訂造一套訓練餐單，第一天已經看到波波有進步，真的是意料之外。而且下課之後，導師們會把當天的課程在whatsapp group再梳理一次，將重點再列一次出來給我，就算過了一陣子忘了部份細節，也可以再重溫，這份專業和細心值得一讚。

希望MDF的理念能夠讓更多的人去認識，正向訓練不是簡單的逗狗玩耍，而是需要精心設計、持之以恆的過程，著重人狗之間的互相信任、理解和尊重，讓狗狗主動配合才是真正的和諧共處的根本。希望有更多的人去了解和嘗試真正的正向訓練，為寵物和主創造一個更美好的相處環境。

17/06/2024

fagu.mikan •

私人訓練堂值得推介🌟

因為花菇屬於高敏緊張型，就算一直有睇好多資料做好多功課都好，情況仲係未得到真正嘅改善。一直都認為佢天生係咁，唯有幫佢避開一啲令佢有大反應嘅事物。

直至養多一隻狗狗蜜柑，就發現原本阿菇嘅情況不減反增，屋企多一隻狗狗亦令到原本狗狗嘅情緒更加激動。亦因為咁，拖兩隻狗狗出街嘅時候就變得更加困難，所以就決定搵mydogfit幫手。

好多謝負責我呢個case嘅訓練員Jet Sir，短短四堂已經令花菇有好明顯嘅進步，提供嘅課堂亦好有效感令到花菇情緒得到舒緩，亦令到花菇更加信任我，當佢情緒變得平穩，好多問題就自然因為咁而得到解決！

咁多年來花菇喺街都會情緒太高漲，加上冇耐性而永遠都唔會願意趴低或者坐低，幾攰都係企係度。而家嘅佢耐性更加高，對街上嘅刺激亦都冇再咁警惕，慢慢亦都學識休息（冇錯，高敏狗連休息呢樣嘢都需要學習）

好欣賞Jet Sir對教學嘅用心同熱誠，每一堂都好充實練習到好多野，每次上完堂都有好詳盡嘅記錄同講解俾返我，令到課堂唔止淨係嗰1小時，而係可以令我更加掌握到之後應該點繼續練習，所以先進步得咁快🙌🏻 多謝阿Sir

14/06/2024

<< /span>以上評論是用戶的個人觀點，並不代表PET-A-HOOD的觀點看法。 >

詳細評分

營業時間

顧客上傳

概述

服務

會員優惠 (2)

寫評論

寫評論

重要資訊

標籤

您或許有興趣