Woofy

用QR code落單，要自己由pet-friendly區(近門口)行入普通餐區取餐及餐具，入面有自動水機但寵物係唔比入去，如果得一個人去都好唔方便。

環境逼啲，張枱叫多小小嘢食都擺唔落。勝在有狗狗menu，食物種類都好多，大份得嚟都好健康，一份肉夠兩隻狗食飽，唔算好貴。留意翻攞餐具/斟水都係自助形式，但水有檸檬、青檸等水果，就唔好斟埋比狗狗飲。但週末冇得book位，要早啲walk in排隊。

之前出開沙田黎左呢間bookmark左好耐既餐廳😁 平日夜晚黎食dinner, 唔算多人，同埋只接受walkin, 餐廳劃分左大概一半座位係petfriendly, 大狗細狗都有足夠位置，當日隔離枱就有兩隻大唐狗😆

呢度訂餐係自助形式，都好方便，喺度叫左個燒芝士漢堡配薯條，另外叫左個waffle配雪糕，賣相吸引之餘仲好好食😋😋 個waffle少少煙靱，點少少雪糕一齊食好香同食到雪糕既creamy同奶香，個burger包就麻麻地有啲粉，不過啲餡料幾唔錯既😋

野飲要左latte同埋一杯青檸凍飲😋咖啡係偏苦少少🤣之後加左啲雪糕一齊飲好好味😂😂

呢度既staff都好petfriendly,同埋餐廳地方幾濶落😁食完又可以帶🐶🐶去出面petpark跑返轉，下次再黎玩啦☺️

期待以久終於去到沙田， 第一時間一定
要去呢度朝聖啦🙏🏻
去到門口姐姐已經好好👍🏽，解釋只可以坐店出面位置，不過樓梯或者餐枱都可以隨便坐
本大爺一場黎到、 緊係要試坐樓梯位啦
呢度自助形式， 掃QR Code 落單， 之後要人類先去比錢💰等食！
野食方式普普通通， 不過甜點又真係好食架喎😋
大家可以先叫咸既食物， 留返個肚食甜品🍮啊！
有禮貌既孩子最好著家片片， 唔好整污糟人地地方啊😎

I have been visiting many so-called pet friendly places and not really all are pet friendly. Woofy did not disappoint me as all the staff were super friendly during my last visit.

終於嚟到呢間寵物界人氣cafe啦！星期六夜晚嚟到都有好多位比我地成家人入去食野😂。Cafe係日式設計，環境非常舒服，每張枱都有掛勾，比主人綁好狗狗，可以舒服自在食野，設計非常貼心👍🏻。職員非常友善細心，好有耐性幫我地安排點坐同埋一齊安置好狗狗🥰🥰。Cafe食物價錢雖然有少少貴，但係味道非常好，人同狗都流哂口水🤤🤤。

同狗狗去完隔離狗公園，就同佢嚟坐低飲啖茶食個撻。
餐廳內有分人用同人寵共享區，枱下都有掛勾勾住狗繩防走狗
如果狗狗坐唔定，仲可以買外賣到室外公共空間享用👍🏻

平日夜晚黎唔洗等位😎😎
狗狗食用既批好吸引🤪🤪叫左個三文魚紫薯批比狗狗 好食！(因為我幫佢試左啖味😂)呢個價錢咁大個真係一啲都唔貴😌平過出面好多狗狗menu 職員都好nice 呢到無論環境同staff都好pet friendly🫶🏻

人食既野食其實我都覺得好好食😂2個人叫左4個野食😂😂個蕃薯條勁多 最後食唔哂打包 croffle都好大份 比起出面好多croffle都要抵 個煙燻豬腩肉芝士卡邦尼意粉 啲汁好食到用薯條點黎食埋佢😂😂最後個春雞一啲都唔會好柴 雞胸位都好滑 overall好值得去

開左咁耐仲係咁多人，好誇張，唯有揀平日黎☺️
完全感受到咩叫pet friendly，店員熱情招待，仲同狗仔玩🥹好難得，野食都好食👍🏻

員工 Nice
照顧緊狗狗時候
會提醒可以拎餐
仲會幫手睇住狗狗先

每一隻狗狗離開餐廳
員工都馬上潔淨位置
非常好👍🏻

有客人無寵物
都會提醒客人
：呢度會有狗狗 唔介意呀員？
咁就唔會有不必要誤會
非常好👍🏻

有足夠嘅空間同坐位比寵物👍🏻

野食比想像中好
主人就可以坐耐啲
又無限時