山頂花園

凌宵閣隔離斜路上，對小短腿來講都有小小吃力，都行好一段路先上到去。去到有個大草地俾狗狗跑。由於旁邊淺水小溪沒有圍欄，狗狗直接跑落去玩水🥲

位於太平山頂既大公園，可以由凌霄閣左面條路上去，記住係斜啲果條。上面可以想像為三層：第一層係大草地，第二層係花園，第三層係小食部涼亭。大草地就無咩樹蔭，但係有幾個小涼亭可以遮下太陽。花園即係成日有人影結婚相果度，比較多樹蔭。第三層就係石屎地既大涼亭，果個小食部就唔係成日開鋪，睇下彩數啦。

體力要求：💦💦💦(行)/ 💦(坐車)
因為條路都斜，由凌霄閣開始行要20分鐘。有部分路係無行人路，所以要睇車。一係就車到上大涼亭落車就唔洗行。

寵物友好：🐶🐶🐶
成個公園都可以比寵物落地，好好行。放唔放繩就見仁見智，因為無圍欄係有機會走狗，同埋多人係地下野餐就要小心狗仔亂食野。另外因為只係人寵共融公園，果度係無飲水機同狗廁所。

打卡環境：📸📸📸📸
成日都有人去影結婚相，唔洗多講都知唔會係唔靚啦。

建議行程 - 中午之後出發，坐車直上大涼亭可以行少一程斜路。之後係花園草地玩下影下相。黃昏前就落返山頂廣場影下日落，之後仲可以係附近餐廳食埋個晚餐先走。

環境優美憩靜，一遍大草地，適合野餐，散步，🐕🐕放電，園內有歷史價值的古老維多利亞式建築，加上壯麗嘅風景，絕對係香港人嘅後花園。

最鍾意去的寵物公園，好多層次上落有得運動，又清淨，草地乾淨，有長凳坐低休息，狗狗可以享受草地和大自然

山頂公園，香港另一個有歷史公園。
佢嘅涼亭，係必影之選❤️
地方都夠大，草地都多，可以輕鬆野餐或者俾主子們小跑🐶

山頂公園好容易去，就近有停車場，私家車同的士都可以上到去，落車行兩步就到達草地
公園有大幅草地可以野餐，而且閒日遊人唔多，環境好寧靜清幽，感覺自成一角，唔洗驚貓貓會比嘈音嚇親
仲有好多影相打卡位，例如特色涼亭，藍天草地，山頂風景等等！總結非常推薦呢個地方比大家💖

有草地就最開心🥳
黎到山頂點會少得黎山頂花園打下卡
有d枱提供可以野餐，十分方便👍🏻

山頂花園的位置比較不方便去, 以我所知, 的士只能到山頂廣場, 之後要行上山一段路。而坐私家車可以上到去, 但車位不多要靠靠運氣。我地去野餐, 坐了大半日, 遊人唔多, 可惜近黃昏時蚊子有點多。

好大片草地可以野餐🌳
狗狗玩得好開心好舒服🐾
仲可以去涼亭同藍白屋仔打卡
去完依到仲可以落返山頂廣場睇日落夜景
可以玩足一日😚

由凌霄閣出發行上去 雖然有少少遠 一路都要上斜坡 不過而家天氣稍為涼兩地都OK 上到去仲可以野餐 環境好舒服🥰🥰