PRIVATE i PETS

有一次免費游水嘅coupon，雖然話有限時但職員冇限制過時間冇催過我哋。主人同狗仔一齊落水，恆溫池所以冬天都ok. 主要自助形式，自助同狗仔沖身沖涼吹乾。環境闊落有地方俾狗仔跑嚟跑去。係開心嘅體驗。

試過行街時唔方便帶狗狗，留係day care仲有play ground，有得休息有得玩

PRIVATE i間中都會有一啲幾優惠嘅promotion，第一次去就係睇到佢哋嘅游水 + 美容體驗package。去到嘅環境好舒服，嗰度有一個area可以俾狗狗喺等游水或者美容嘅時候自由走動放鬆吓。

游池唔大，但係俾中小型狗狗游吓水做吓運用其實都好足夠。佢哋可以揀主人自己或者職員陪狗狗落水，我哋嗰次就揀咗有職員陪同。Bubu第一次游水好緊張，但係姐姐都好有耐性引導佢游，見佢太緊張都唔會迫佢，會停低溫柔安撫佢然後再鼓勵佢游。

美容方面有分junior同senior grade嘅stylist，我哋揀咗junior，但都得出好細心。去過唔同地方沖涼，從來冇試過會有幫柴犬剪毛，剪完出嚟個pat pat圓到好似corgi咁，超可愛!

第一次帶Bagel去室內游泳池, 因為有專人陪佢游, 我地俾佢試下唔著救生衣, 真正學游水。職員帶領得好好, 好專心陪住Bagel, 手傍住教佢學平衡自己身體, 又會間中抱小狗喺佢大腿上休息一下, 之後再游。
游完水, 就去沖涼美容, 店內亦有商品部, 家長可以shopping一下, 或坐住等都得。

見新客仔第一次去有8折就去試一試佢
間野好大 感覺好專業好靚
唔怪之得咁貴😝🫠

仲會有相提供返比主人 sweet

店舖位於銅鑼灣區，地段一流，店舖兩層高，可以同老
奴才🧑🏻‍🦱一齊飛返個靚髮💇🏽樓上仲有一個泳池，可以游水，有需要仲可以找👧🏻👧🏻陪游旁住
呢度仲有美容服務🛀🏿，價錢高💵，質素好👍🏽，消費普遍來講係叫做高👍🏽👍🏽👍🏽

要搵一間令爸爸媽媽放心嘅沖涼唔容易！每次帶啲狗狗嚟呢度沖涼，佢哋都超興奮！哥哥姐姐好細心，每一次影相狗狗都笑得超級燦爛！又沖得乾淨！爸爸媽媽好放心！

Private I 設有暖水泳池, 可以由職員陪同狗狗游水, 亦可選擇由主人陪同狗狗游水。另外可以幫狗狗做spa.

Stylist 非常專業, 每次剪完都好滿意, 而且設有不同主題之佈景, 每次剪完後都會幫狗狗影啲靚相, 然後send俾主人。

第一次幫Bella美容既Eric哥哥非常好👍🏻無論剪腳板底毛定剪指甲都非常細心 吹毛都唔係淨係吹乾佢 雖然我哋呢個品種冇造型可言 但係吹完之後啲毛係順滑同有拉直的效果 所以整體感覺非常之好 吹到靚一靚去慶祝生日 於是我就好快再book第二次 當時諗住搵返Eric 點知佢一個月前已經唔得閒 唔知係咪因為第一次嘅Standard太高 第二次都幾失望 因為我哋都有企喺度一段時間睇吓先走 就見到個姐姐十分鐘內已經完成晒剪腳板底毛同埋指甲 我當時心諗都幾快喎 咁無乜嘢喇 我哋行陣等 其實職員打電話嗰陣時已經差唔多行到返嚟 我哋搭正夠2個鐘就返到去 點知我去到見到我Bella係一個房間既地下自己企左係度😭嗰個幫手美容嘅姐姐已經唔見咗 而我其他朋友嘅狗狗都係美容嘅姐姐手抱俾佢哋 我當時感覺有點唔舒服 沖乾淨哂 就算唔係手抱比我都算喇 至少都擺佢係籠呀🤦🏻‍♀️ 再抱上手摸下 D毛翹起哂 真係講得衰啲 差過自己吹 腳板底毛仲要第二日要自己再剪返 $5xx 沖涼吹毛其實算係中價以上 如果整得滿意其實唔介意再用多啲服務 可惜…
其實本身我仲介紹咗兩個朋友去所以我有介紹優惠可以送返啲服務俾我下次再去 但我應該唔會再去了🤷🏻‍♀️

PS第一次去既相

一站式服務，游水，沖涼， Spa加刷牙。呢度等候地區都幾大，可以比狗狗們跑來跑去，而且仲會有哥哥姐姐睇住。另外佢都有托管服務。游水分自己落水或者可以搵哥哥姐姐陪。每次嚟完之後仲會有靚靚相收到 (每次都唔同背景㗎) ☺️