愛護動物協會 (灣仔總部)

貓貓點都早過人死，好多獸醫都會想你醫，可能醫好隻寵物係獸醫同主人嘅願望，但未必係寵物嘅願望。 我有隻12歲唐貓，當年正正就係灣仔愛協領養。佢糖尿病+心臟病+胰臟炎+腎衰竭，我帶佢去睇其他獸醫，好多都淨係話危殆要留院。 唯獨愛協話「隻貓可能都好唔舒服所以先一路拒絕進食」 然後就講咗d類似「佢自己都可能唔想再生存落去」既說話。 我聽完之後，就決定簽名安樂死。 成個過程，就算係死，醫生都幫佢打咗鎮定劑先再靜脈注射。 雖然感覺上愛協嘅醫生對動物嘅生死已經麻木咗，但係佢地嘅意見卻一針見血。 所以重病真係要忍心少少睇愛協，無謂要貓貓自己一個留係醫院成個月最終仲要不治。

因深夜5點唔舒服，所以call急症，電話打去留言後，好快有人回覆，都問咗症後，話可以過去睇醫生，果時都5:30-6:00，坐車去到，6:30，姑娘睇完話不算嚴重，佢話不如等正式開診先睇，唔洗俾急症附加費，所以最後等咗15分鐘，整體都滿意，職員都好有善

👩🏻‍⚕️ SPCA 針灸經驗分享篇 👩🏻‍⚕️ 話說我去左針灸 📌 做完膝蓋手術 復原後醫生都建議做下物理治療，例如水療，游下水，對我對腳腳有好處架 🐕 今次去左灣仔總部 SPCA Dr. Anita Young 針灸，非常難得嘅機會，為左我腳仔好，就去試下啦！ 4:40pm 終於入房見醫生了 簡單做檢查探溫，拉下筋就開始針灸啦 😬😬 Dr Anita 好純熟快手咁由肩膀向下，腰，尾巴兩側，左右一針，大腿左右兩針 睇返片段一共大約 15 - 18針 我又唔覺得痛喎，係針個下怪怪地囉 😕 然後又巧似郁唔到咁，可能俾人篤中個穴位 😆 全程 15 分鐘 ⏲ 我坐得好定，冇郁過，好乖女呀 👍🏻 係最後開始攰攰地震震腳，線左落地 💤 5:00pm 要拔針啦 醫生邊拔邊幫我按摩，舒筋活絡，等我啲肌肉冇咁疲勞 🧘🏻‍♀️ （原本開始針嘅時候，醫生按我嘅寬關節肌肉，即刻冇力咁坐左係度架） 針後成個身都輕啲，仲去左灣仔海濱長廊個邊影相添 😄 醫生話好多狗狗針完鬆哂，下次嚟又緊返哂，所以唔係針一次就搞掂架 人類仲考慮緊繼唔繼續針灸，暫時就 book 住水療先啦 🏊🏻‍♀️

除咗價錢平就冇其他好，唔會再去。 門診醫生其實好似乜都唔識咁，睇完醫生感覺上都好似冇睇過咁好無奈

我地最近去SPCA做身體檢查，獸醫好細心同專業，仲俾左啲健康建議我:) SPCA收費好合理，唔好以為平野冇好野，佢哋都好用心同專業！

有一次在銅鑼灣路上看到遺失主人的小狗，馬上帶到診所想掃晶片，但係診所解決，所以帶到SPCA，Staff好快處理好，2小時已經找回主人接回了。

岩岩領養月悅既時候同佢做左次 body check 本身想幫佢驗全血 但醫生好細心話佢年紀細 半血就可以 然後又細心咁幫佢檢查眼睛 耳仔 成日聽到出面部分黑人獸醫既事情 我都會興幸帶左月悅去SPCA

帶有腎病貓囡去住院急救，因剛捉番家收養，所以貓囡唔乾淨又瘦 連抽血都會掙扎，要打麻醉針先可抽血吊鹽水 出院後發現貓囡耳仔好乾淨，應該係麻醉左後俾醫護抹過耳仔，我去過唔同獸醫診所，唯獨呢間會幫我貓囡抹耳仔，感覺好窩心